狠批政客為選票害港
拆解大鱷狙擊港股內幕
富豪買衍生工具為何輸錢
《東周刊》
2008/11/19
由美國次按衍生的金融海嘯震慄全球，資產價格大跌，無論是散戶投資者還是富豪都在今次風暴中遭遇重創。縱橫股壇三十多年的劉鑾雄(大劉)接受本刊獨家專訪，首次開腔評論本港股市樓市後向，並揭露對沖基金及外資大鱷在港趁火打劫，狂沽港股做世界的內情。
向有股壇狙擊手美譽的大劉更向投資散戶教路如何看轉角市免成為大鱷點心。
他談及香港政治時，指一些議員為選票以激進手法針對銀行，對香港不利。他對曾蔭權的表現則感到滿意。
揭Accumulator殺人陷阱
去年股市暢旺，全民皆股，連不少富豪亦變身港股大好友，部分不但狂炒中資股，還對近年興起的金融結構性產品亦趨之若鶩，押下重注作巨額投資，結果大浪淹來全軍覆沒。
東：東周刊
劉：劉鑾雄
東：衍生工具(例如Accumulator)累很多人，包括富豪輸錢，點解殺傷力這麼大？
劉：衍生金融產品有好處有壞處，好似老鼠藥亦會毒死人，也有好處，Accumulator對有股票在手的人有很好的對沖作用。例如，你有100萬、
1000萬或1億的價值的股票，你有1億貨，可以做5000萬Accumulator，最多接雙倍，都係接1億貨，你可以先將手頭上的一億貨沽出，然後透
過Accumulator以7折接貨賺3成。佢哋輸得咁多，輸得咁慘，主要係大部分人冇貨在手，其次係一個貪字。佢哋1年前估不到股票可以跌9成至9成
半，甚至藍籌股也不例外，最攞命接雙倍等於2億，跌8成就蝕1億6000萬。當初投資者需要畀三成錢，就可以買十成貨，即畀3000萬美元首期，就可以買
1億美元嘅貨，如果有貨在手沽咗當做對沖，但無貨在手而去買Accumulator，就好大風險。
投資是雙刃劍，若見勢色唔對，可以沽空，好似某股票現價100元，就算冇貨也可以借貨沽空，來對沖買Accumulator的風險。因此要利用對沖去調節風險。
高峰期押重注
東：你很冷靜，知道產品特性，但城中好多富豪都不知Accumulator特性，就盲目買這些產品？
劉：不是不知其特性，而是市旺很多人賺錢。很多人以最大注碼押在最旺市時，以致輸得咁多。所以唔關Accumulator或股市事，主要是關乎個人嘅理財以及風險意識問題。
東：有個說法，這次跌浪很多人輸得遠較以往多，主要是買結構性產品，令很多人走避不及。你點睇？
劉：去年嘅市是有史以來最旺，人人賺到錢就加大投資，例如3年前投資額是1億，2年前是2億，但去年已增至4億，市旺做咩都賺錢，無論
Accumulator或ELN(股票掛鈎票據)，衍生工具都賺，2年前很多私人銀行家向我推銷一些超複雜產品，我睇完後不明白，就算明白都冇辦法做對沖
去保障自己，結果冇去 做。
當時有個股東，是一個對沖基金經理，佢係老闆，佢同我講股神說過一句話：就係「yes, no, I don’t know」，好似我哋做生意或投資咁，不熟就不要做。如果做風險肯定很大。好似我做開製衣，轉去做玩具，你不熟行業根本唔掂。
東：很多人唔熟，但愈做愈大，才會中招？
劉：最棹忌係「貪」，以前做1億賺到後就雙倍注碼。我自己都曾有過「貪」字，試過過分投資，但要做對沖，否則好似這個跌浪，部分股票跌9成，不是跌得慘，而是跌到你破產。
富豪買衍生 工具何輸錢
東：部分城中富豪在這方面是否拿捏失當呢？
劉：
一定有，私人銀行好多傳言，輸錢人人有份，目前輸少少已經是輸少當贏。輸完都有賺已經是大賺，因為這次風高浪急。我聽有一間大型金融公司高層講，有10億
身家嘅，九成九人輸剩幾千萬，而部分幾十億身家嘅，亦輸剩幾億，玩親呢類衍生工具嘅損失慘重，比97金融風暴多幾倍。97未有這麼多此類衍生產品，何況
Accumulator跌穿價位要接兩、三倍貨，所以殺傷力很強。
東：據悉部分富豪追求三、四十厘高回報，叫銀行家為他們設計此類產品，有此事嗎？
劉：有，例如我現在做財務公司，先定一個收息目標，然後叫夥計叫你看看哪個冇錢要借，如果想收50厘息，要搵願意畀高息的債仔，佢當然無力償還，呢個就係
風險。這個比喻是你要高回報，當然要承受高風險。當衍生產品包含幾隻股票，根本做不到對沖。例如，你做匯豐控股5000萬元的Accumulator，最
多接1億元貨。假設你捨得100元賣匯豐，70至80元接貨，你就賺硬差價，一定要計過你未來接貨數是與你目前持貨差不多，可以對沖，以控制風險。如果手
上無股票而買入Accumulator，要借貨對沖。但若包含3、4隻股票嘅ELN，就好難對沖，因為呢啲產品要你去接4隻掛鈎股票當中最差嘅股票，咁樣
你點樣做對沖呢？對沖哪一隻呢？呢個係數學加、減、乘、除嘅簡單道理，如果對沖，就算有3隻無跌，其餘1隻跌你都要接。
買ELN難對沖
所以，無得對沖保障不到自己。有些ELN更是包括不同地方上市的股票或者商品，部分成交很少，試問買家如何做對沖保障自己？今次外圍及香港股市這般差，根
本無防守可言，簡直是困獸鬥，儼如外國流行關在一個籠內的擂台上打拳，打低為止。反而掛鈎一隻股票的Accumulator仍可以對沖，或者借貨沽空。當
然如果股價升，你沽空了就會輸錢，所以你要每日緊盯股價走勢，這些產品適合專業人士玩，一般市民、師奶買了這些產品，他們怎與專業人士相比，所以存在很大
問題。
東：據悉很多富豪輸的比例多過散戶，是嗎？
劉：散戶信貸能力有限，輸錢有限。但富豪或做生意的都有較大的信用額，1億元只畀3000萬，去年大旺時只畀百分之六，即可以用600萬賭1億，很多人根本守無可守，很多對沖基金點解慘蝕？他們的桿槓大，自然輸得大。
東：大鱷係唔係知道好多人做咗呢啲風險嘅產品，就狙擊港股？
劉：可兩方面看。香港可以沽空，例如早前港股一日跌1600點(10月27日)，翌日回升1500幾點，我看百分百是對沖基金或金融公司沽空期指，強行質
低重磅藍籌股，令自己賺錢，但他們的做法是合法的。當時很多人怨聲載道，歐美都禁止沽空，當港股跌至13000點，政府便應該禁止沽空。在淡市時沽空贏面
大，金融機構做淡易賺錢。
東：今次外資沽空的回報是否很豐厚？
劉：當恆指在18000點時，我已聽他們估跌至12000點，以及他們開出期權盤口，如果一年內跌至12000點你接貨，他們肯給你25厘回報。很多外資
在18000點鋪定魚網，等收穫。當日大市跌至11000點時，又盛傳會見8000點，擺明就係造市，搞到人心惶惶，就算有實力持貨者都有可能嚇到響
11000點沽貨。
大鱷環伺未見底
東：10月27日反彈，是他們階段性撤退，還是大市見底？
劉：唔係見底。我諗佢哋驚港府突然禁止沽空，又見到政府查倉所以盡快平倉。若非如此，港股跌1600點的當晚，美股挫2%，理論上港股翌日會繼續下跌，但
反升1500點，明顯情況不尋常，擺明佢哋響度合法做世界，搵香港股民笨。當日匯豐插落75元，很多忠實股民都信心崩潰，沽貨離場。當市場容許沽空，很多
人就計算到用甚麼蠱惑方法搵錢。
東：有證券行，將滙豐目標價大幅下調，當中是否有玄機？
劉：(證券行)講就話有部門之間防火牆，通常金融公司有入股的公司，都會唱好那些公司，未上市前，佢投資咗就肯定唱好，等股價升到你唔信佢就骨水，之後股民就各安天命。
東：近期外資是否因為政府有所行動而暫時偃旗息鼓呢？
劉：當時我聽到，如果大鱷唔係驚政府做嘢，港股隨時插落八、九千點，你睇10月28日升1500點，補倉補得好急。當個市跌穿10000點，隨時1至2日會見八、九千點。我認為這是一個很嚴重嘅問題。
當市場動盪，(政府)應該做啲針對性政策出嚟，唔好畀機會外面啲人嚟香港做世界，例如幾間大行夾埋做世界，散戶點會知道？無論有冇持貨能力嘅散戶都畀大鱷震走，依家係大食細，你夠膽同大戶賭，佢插多你幾千點，唔到你唔投降，所以好多散戶呢次好慘。
東：外資今次玩港股，與97年有何分別？
劉：若講有組織，上次嚴重啲，97年，佢哋先沽空期指，然後狙擊港元，政府被迫挾高拆息，繼而推冧股市，他們就獲巨利。我諗今次無上次咁嚴重，無咁有組織，但今次人心好虛怯，殺傷力好重。
股海三十年贏錢心法
東：你估大鱷會否再次狙擊港股？
劉：一定會。因為當經濟及信心愈來愈差，做淡易過做好。(大鱷)唔係同你有仇，佢見市好就做好，市淡就做淡，為咗賺錢，佢哋取易不取難。
東：在目前波動市況下，投資者應如何自處？
劉：要盡量小心。股市波幅很大，我諗起碼要睇3至6個月，等美國經濟會否穩定，先諗吓咩嘢環境。我相信，歐美財長都唔知這未來3至6個月嘅經濟如何演變。
因為今次嘅殺傷力係空前未見，危機大到大家都唔知點處理，唔同用針拮中手指流幾滴血。但我相信香港有中國支持，有阿爺睇住，照顧六、七百萬人，有足夠能力
保護我哋。
東：你有何心得授予散戶？
劉：經驗我唔敢講，我最近教過自己個仔(劉鳴煒)，討論過印度、俄羅斯同埋來港上市的民企。
我28年前做地產，用2億幾同政府買咗火炭工業地，但3年後上市只值五百幾萬，我成日同個仔講，地產風險管理好主要，香港經過87、89，中東戰爭及97風暴等事件，我得出一個結論，人性係貪嘅，包括我在內，但我寧願循序漸進，好過一鋪清袋。
我見印度、俄羅斯好多去年的百億富豪，依家都周轉不靈，被斬倉及求救政府，其實，去年佢哋風光時可以賣股套現減債，但佢哋冇咁做，奢望股價升多5成，甚至1倍，屆時便有望做世界首富。
所以我便得到經驗，做嘢唔怕一萬，最怕萬一，投資都要小心。好多市值千億嘅民企，負債好高，有啲民企老闆都唔肯集資，因為佢哋擔心會攤薄權益，希望市值
二、三千億先賣股，望做香港或者內地首富。你睇番佢哋新、舊股都唔肯走，搞到依家手頭好緊。所以，我哋做嘢進取之餘，都不忘審慎。
所以我素來唔買窩輪，因為最搵笨，但散戶鍾意。窩輪係槓桿中嘅槓桿。
作為散戶投資者，第一要隨機應變，千祈唔好死牛一邊頸，不屈不撓嘅精神亦要睇吓自己堅持嘅嘢係唔係啱嘅。第二，唔好同股票談戀愛，更加唔好同佢哋結婚。第
三，投資股票賺要賺到盡，但勢色唔對就要好狠去止蝕。我從來都好擔心畀貼士朋友買股票，因為有啲朋友買咗股票，股價升咗又唔沽，當股價大跌後，佢就問我點
算，我真係唔知點答佢。
豪宅開價太高
東：今次金融海嘯對樓市有何打擊？
劉：樓市我唔方便講，我做地產商有衝突，但這一、兩年有啲所謂豪宅，價錢開得太高，好多朋友都大聲疾呼，有啲升得多自然跌得多啲。但政府冇無限量供應地皮，我相信拆息回復平常，消化一輪後，香港地產損害唔係太重。
東：你估計樓市跌到甚麼位才見底？
劉：主要睇兩樣嘢：第一係拆息及優惠利率；第二係股市回穩，讓信心恢復，市民會出番嚟買樓。但如果對沖基金令到恆指跌到八、九千點，又話見5000點，大
家都不敢想像。如果股市企穩萬四、萬五點，加上拆息回穩，3至4厘供樓息率對用家唔算高，相信地產調整一段時間便會有支持。
我相信外資行就唔會咁放肆做淡個市，佢哋會擔心，我哋有中央支持，佢哋見到中央出手，總理溫家寶話過好關心香港金融市場，如果拆息軟番，商家嘅經營成本減輕，希望慢慢度過呢個不穩嘅市場。
東：你上次接受本刊訪問時說過，32000點所有人都識炒，跌至萬餘點才見真章，這是否意味你在投資方面跑贏大市？
劉：市旺散戶都賺錢，叻嘅賺三十個巴仙、四十巴仙，唔叻嘅都賺十個巴仙、二十個巴仙。市差時，大家輸少當贏，如果好彩贏少少就已經大贏。股神巴菲特講得啱：「潮水退時先知邊個有著泳褲」，今次係看到唔同嘅人同公司嘅風險管理。
我自己以前都撞過好多次板，經歷過87同97年金融風暴，所以今次小心咗，我只可以講今次係不幸中之大幸，我唔敢講自己有冇著褲，因為咁擺咗自己上枱，亦會得罪一啲人。我相信世上天外有天，人外有人，我唔係同人比較。
東：你認為未來3至6個月內，恆指再試10600點低位的機會有幾大？
劉：早排有外資行同我講，今年唔會跌穿11000點，但明年就有機見低於呢個位。但我個人睇今次中央40000億刺激經濟，只要港府處理好沽空問題，大市未必太差。
狠批政客為選票害港
議員為咗攞credit，唔應該搞啲咁嘢，會嚇窒外來投資者，咁嘅政治環境一定唔好。
大劉開腔論政治，認為立法會議員為了攞分，運用特權調查銀行，將令香港變得政治化，手法好得人驚，會嚇窒外來投資者，對香港肯定不利。他又表示對特首曾蔭
權的表現滿意，政府對金融海嘯的應變已很快。對於一些政客針對中央，他認為中央對香港所做一切都是照顧港人利益，好多政客掩住良心逢中必反。
搞雷曼事件手法得人驚
東：你覺得立法會引用特權法給予小組委員會調查權，就雷曼迷你債券事件向銀行進行調查，對香港有如何影響？
劉：首先我唔贊成立法會運用特權調查銀行，咁樣會搞到香港變得政治化，到頭來會影響外來投資。議員為咗攞credit，唔應該搞啲咁嘢，會嚇窒外來投資
者，咁嘅政治環境一定唔好。我又唔係銀行界嘅人，講嘢最中立，咁搞落去對香港肯定唔好。依家又有政黨叫人用電郵轟炸立法會議員，又有政黨叫人圍民建聯，呢
啲手法都好得人驚。
滿意曾蔭權表現
東：你認為特區政府的管治是否稱職？
劉：回歸11年，今屆政府肯定比上屆好，因為吸收了經驗。現任特首曾蔭權係政務官出身，我冷眼旁觀，覺得好滿意，最主要係營商環境同自由度都好咗好多。我
認為依家政府好過以前港英政府，我哋喺香港出入自由，完全無壓力。最近的金融海嘯，係外國影響咗香港，全世界都係咁，特區政府已經盡快應變。
東：香港回歸前後，你看香港的政治及經濟有何改變？
劉：經濟好咗！例如沙士時，我同朋友去睇戲，全間戲院得5個人。回歸以來，中央對港政策都係維護港人嘅利益。
共產黨幫香港賺錢
東：香港仍有人針對中國共產黨，揭發議員嘅背景，你有何看法？
劉：有啲人夾硬搵嘢嚟講，中國共產黨現在都係經濟掛帥。28年前，我係第一批返中國開廠嘅人，因為香港唔夠工人，所以焗住北上開廠，當時我都好驚中國，開
廠頭7、8年我都無踏足內地，係我自己唔了解中國。我發覺以前好興中央補貼，例如一樣嘢成本12元，但我只需8、9元買，中央補貼差價，所以做廠有錢賺，
我覺得中央咁開放做呢啲嘢，令我對97回歸有百分百信心。所以我唔單止冇撤資，仲將賺嘅錢投資香港。
政客掩良心
東：你是否發覺很多香港政客針對內地？你認為這是好事還是壞事？
劉：唔知佢真係無知，定係想爭取選票。但以我嘅智慧同常識睇，中央對香港所做的一切都是照顧港人利益，唔單止係講做生意賺錢，包括輸港的食物、食水等等。但好多政客掩住良心講話，逢中必反，你爭取部分唔了解中國嘅選民嘅選票，佢哋咁樣做百分百對香港唔好。
香港自由度高到極
有議員為咗爭取選票，佢哋唔理做啲嘢對香港有冇利，樣樣都針對。我記得三十多年前跟個貿易團去中東，唔覺意帶幾本雜誌，內容好普通，只係著住泳衣，但仲慘
過被摷到毒品，嗰陣時我第一個感受係「點解咁嘅？」每個國家都有自己的法律，國有國法，家有家規，回教國家見到三點式有好大反應，香港政客亦應該尊重內
地，人哋有自己的法律和規則。
回歸前後比較，我覺得現時做生意自由度多好多。未回歸邊度講咁多人權、民主，但依家有議員為咗爭選票，就猛講呢啲嘢，完全唔考慮中國畀香港嘅自由度已經高到不可以再高啦。
拆解大鱷狙擊港股內幕
富豪買衍生工具為何輸錢
《東周刊》
2008/11/19
由美國次按衍生的金融海嘯震慄全球，資產價格大跌，無論是散戶投資者還是富豪都在今次風暴中遭遇重創。縱橫股壇三十多年的劉鑾雄(大劉)接受本刊獨家專訪，首次開腔評論本港股市樓市後向，並揭露對沖基金及外資大鱷在港趁火打劫，狂沽港股做世界的內情。
向有股壇狙擊手美譽的大劉更向投資散戶教路如何看轉角市免成為大鱷點心。
他談及香港政治時，指一些議員為選票以激進手法針對銀行，對香港不利。他對曾蔭權的表現則感到滿意。
揭Accumulator殺人陷阱
去年股市暢旺，全民皆股，連不少富豪亦變身港股大好友，部分不但狂炒中資股，還對近年興起的金融結構性產品亦趨之若鶩，押下重注作巨額投資，結果大浪淹來全軍覆沒。
東：東周刊
劉：劉鑾雄
東：衍生工具(例如Accumulator)累很多人，包括富豪輸錢，點解殺傷力這麼大？
劉：衍生金融產品有好處有壞處，好似老鼠藥亦會毒死人，也有好處，Accumulator對有股票在手的人有很好的對沖作用。例如，你有100萬、
1000萬或1億的價值的股票，你有1億貨，可以做5000萬Accumulator，最多接雙倍，都係接1億貨，你可以先將手頭上的一億貨沽出，然後透
過Accumulator以7折接貨賺3成。佢哋輸得咁多，輸得咁慘，主要係大部分人冇貨在手，其次係一個貪字。佢哋1年前估不到股票可以跌9成至9成
半，甚至藍籌股也不例外，最攞命接雙倍等於2億，跌8成就蝕1億6000萬。當初投資者需要畀三成錢，就可以買十成貨，即畀3000萬美元首期，就可以買
1億美元嘅貨，如果有貨在手沽咗當做對沖，但無貨在手而去買Accumulator，就好大風險。
投資是雙刃劍，若見勢色唔對，可以沽空，好似某股票現價100元，就算冇貨也可以借貨沽空，來對沖買Accumulator的風險。因此要利用對沖去調節風險。
高峰期押重注
東：你很冷靜，知道產品特性，但城中好多富豪都不知Accumulator特性，就盲目買這些產品？
劉：不是不知其特性，而是市旺很多人賺錢。很多人以最大注碼押在最旺市時，以致輸得咁多。所以唔關Accumulator或股市事，主要是關乎個人嘅理財以及風險意識問題。
東：有個說法，這次跌浪很多人輸得遠較以往多，主要是買結構性產品，令很多人走避不及。你點睇？
劉：去年嘅市是有史以來最旺，人人賺到錢就加大投資，例如3年前投資額是1億，2年前是2億，但去年已增至4億，市旺做咩都賺錢，無論
Accumulator或ELN(股票掛鈎票據)，衍生工具都賺，2年前很多私人銀行家向我推銷一些超複雜產品，我睇完後不明白，就算明白都冇辦法做對沖
去保障自己，結果冇去 做。
當時有個股東，是一個對沖基金經理，佢係老闆，佢同我講股神說過一句話：就係「yes, no, I don’t know」，好似我哋做生意或投資咁，不熟就不要做。如果做風險肯定很大。好似我做開製衣，轉去做玩具，你不熟行業根本唔掂。
東：很多人唔熟，但愈做愈大，才會中招？
劉：最棹忌係「貪」，以前做1億賺到後就雙倍注碼。我自己都曾有過「貪」字，試過過分投資，但要做對沖，否則好似這個跌浪，部分股票跌9成，不是跌得慘，而是跌到你破產。
富豪買衍生 工具何輸錢
東：部分城中富豪在這方面是否拿捏失當呢？
劉：
一定有，私人銀行好多傳言，輸錢人人有份，目前輸少少已經是輸少當贏。輸完都有賺已經是大賺，因為這次風高浪急。我聽有一間大型金融公司高層講，有10億
身家嘅，九成九人輸剩幾千萬，而部分幾十億身家嘅，亦輸剩幾億，玩親呢類衍生工具嘅損失慘重，比97金融風暴多幾倍。97未有這麼多此類衍生產品，何況
Accumulator跌穿價位要接兩、三倍貨，所以殺傷力很強。
東：據悉部分富豪追求三、四十厘高回報，叫銀行家為他們設計此類產品，有此事嗎？
劉：有，例如我現在做財務公司，先定一個收息目標，然後叫夥計叫你看看哪個冇錢要借，如果想收50厘息，要搵願意畀高息的債仔，佢當然無力償還，呢個就係
風險。這個比喻是你要高回報，當然要承受高風險。當衍生產品包含幾隻股票，根本做不到對沖。例如，你做匯豐控股5000萬元的Accumulator，最
多接1億元貨。假設你捨得100元賣匯豐，70至80元接貨，你就賺硬差價，一定要計過你未來接貨數是與你目前持貨差不多，可以對沖，以控制風險。如果手
上無股票而買入Accumulator，要借貨對沖。但若包含3、4隻股票嘅ELN，就好難對沖，因為呢啲產品要你去接4隻掛鈎股票當中最差嘅股票，咁樣
你點樣做對沖呢？對沖哪一隻呢？呢個係數學加、減、乘、除嘅簡單道理，如果對沖，就算有3隻無跌，其餘1隻跌你都要接。
買ELN難對沖
所以，無得對沖保障不到自己。有些ELN更是包括不同地方上市的股票或者商品，部分成交很少，試問買家如何做對沖保障自己？今次外圍及香港股市這般差，根
本無防守可言，簡直是困獸鬥，儼如外國流行關在一個籠內的擂台上打拳，打低為止。反而掛鈎一隻股票的Accumulator仍可以對沖，或者借貨沽空。當
然如果股價升，你沽空了就會輸錢，所以你要每日緊盯股價走勢，這些產品適合專業人士玩，一般市民、師奶買了這些產品，他們怎與專業人士相比，所以存在很大
問題。
東：據悉很多富豪輸的比例多過散戶，是嗎？
劉：散戶信貸能力有限，輸錢有限。但富豪或做生意的都有較大的信用額，1億元只畀3000萬，去年大旺時只畀百分之六，即可以用600萬賭1億，很多人根本守無可守，很多對沖基金點解慘蝕？他們的桿槓大，自然輸得大。
東：大鱷係唔係知道好多人做咗呢啲風險嘅產品，就狙擊港股？
劉：可兩方面看。香港可以沽空，例如早前港股一日跌1600點(10月27日)，翌日回升1500幾點，我看百分百是對沖基金或金融公司沽空期指，強行質
低重磅藍籌股，令自己賺錢，但他們的做法是合法的。當時很多人怨聲載道，歐美都禁止沽空，當港股跌至13000點，政府便應該禁止沽空。在淡市時沽空贏面
大，金融機構做淡易賺錢。
東：今次外資沽空的回報是否很豐厚？
劉：當恆指在18000點時，我已聽他們估跌至12000點，以及他們開出期權盤口，如果一年內跌至12000點你接貨，他們肯給你25厘回報。很多外資
在18000點鋪定魚網，等收穫。當日大市跌至11000點時，又盛傳會見8000點，擺明就係造市，搞到人心惶惶，就算有實力持貨者都有可能嚇到響
11000點沽貨。
大鱷環伺未見底
東：10月27日反彈，是他們階段性撤退，還是大市見底？
劉：唔係見底。我諗佢哋驚港府突然禁止沽空，又見到政府查倉所以盡快平倉。若非如此，港股跌1600點的當晚，美股挫2%，理論上港股翌日會繼續下跌，但
反升1500點，明顯情況不尋常，擺明佢哋響度合法做世界，搵香港股民笨。當日匯豐插落75元，很多忠實股民都信心崩潰，沽貨離場。當市場容許沽空，很多
人就計算到用甚麼蠱惑方法搵錢。
東：有證券行，將滙豐目標價大幅下調，當中是否有玄機？
劉：(證券行)講就話有部門之間防火牆，通常金融公司有入股的公司，都會唱好那些公司，未上市前，佢投資咗就肯定唱好，等股價升到你唔信佢就骨水，之後股民就各安天命。
東：近期外資是否因為政府有所行動而暫時偃旗息鼓呢？
劉：當時我聽到，如果大鱷唔係驚政府做嘢，港股隨時插落八、九千點，你睇10月28日升1500點，補倉補得好急。當個市跌穿10000點，隨時1至2日會見八、九千點。我認為這是一個很嚴重嘅問題。
當市場動盪，(政府)應該做啲針對性政策出嚟，唔好畀機會外面啲人嚟香港做世界，例如幾間大行夾埋做世界，散戶點會知道？無論有冇持貨能力嘅散戶都畀大鱷震走，依家係大食細，你夠膽同大戶賭，佢插多你幾千點，唔到你唔投降，所以好多散戶呢次好慘。
東：外資今次玩港股，與97年有何分別？
劉：若講有組織，上次嚴重啲，97年，佢哋先沽空期指，然後狙擊港元，政府被迫挾高拆息，繼而推冧股市，他們就獲巨利。我諗今次無上次咁嚴重，無咁有組織，但今次人心好虛怯，殺傷力好重。
股海三十年贏錢心法
東：你估大鱷會否再次狙擊港股？
劉：一定會。因為當經濟及信心愈來愈差，做淡易過做好。(大鱷)唔係同你有仇，佢見市好就做好，市淡就做淡，為咗賺錢，佢哋取易不取難。
東：在目前波動市況下，投資者應如何自處？
劉：要盡量小心。股市波幅很大，我諗起碼要睇3至6個月，等美國經濟會否穩定，先諗吓咩嘢環境。我相信，歐美財長都唔知這未來3至6個月嘅經濟如何演變。
因為今次嘅殺傷力係空前未見，危機大到大家都唔知點處理，唔同用針拮中手指流幾滴血。但我相信香港有中國支持，有阿爺睇住，照顧六、七百萬人，有足夠能力
保護我哋。
東：你有何心得授予散戶？
劉：經驗我唔敢講，我最近教過自己個仔(劉鳴煒)，討論過印度、俄羅斯同埋來港上市的民企。
我28年前做地產，用2億幾同政府買咗火炭工業地，但3年後上市只值五百幾萬，我成日同個仔講，地產風險管理好主要，香港經過87、89，中東戰爭及97風暴等事件，我得出一個結論，人性係貪嘅，包括我在內，但我寧願循序漸進，好過一鋪清袋。
我見印度、俄羅斯好多去年的百億富豪，依家都周轉不靈，被斬倉及求救政府，其實，去年佢哋風光時可以賣股套現減債，但佢哋冇咁做，奢望股價升多5成，甚至1倍，屆時便有望做世界首富。
所以我便得到經驗，做嘢唔怕一萬，最怕萬一，投資都要小心。好多市值千億嘅民企，負債好高，有啲民企老闆都唔肯集資，因為佢哋擔心會攤薄權益，希望市值
二、三千億先賣股，望做香港或者內地首富。你睇番佢哋新、舊股都唔肯走，搞到依家手頭好緊。所以，我哋做嘢進取之餘，都不忘審慎。
所以我素來唔買窩輪，因為最搵笨，但散戶鍾意。窩輪係槓桿中嘅槓桿。
作為散戶投資者，第一要隨機應變，千祈唔好死牛一邊頸，不屈不撓嘅精神亦要睇吓自己堅持嘅嘢係唔係啱嘅。第二，唔好同股票談戀愛，更加唔好同佢哋結婚。第
三，投資股票賺要賺到盡，但勢色唔對就要好狠去止蝕。我從來都好擔心畀貼士朋友買股票，因為有啲朋友買咗股票，股價升咗又唔沽，當股價大跌後，佢就問我點
算，我真係唔知點答佢。
豪宅開價太高
東：今次金融海嘯對樓市有何打擊？
劉：樓市我唔方便講，我做地產商有衝突，但這一、兩年有啲所謂豪宅，價錢開得太高，好多朋友都大聲疾呼，有啲升得多自然跌得多啲。但政府冇無限量供應地皮，我相信拆息回復平常，消化一輪後，香港地產損害唔係太重。
東：你估計樓市跌到甚麼位才見底？
劉：主要睇兩樣嘢：第一係拆息及優惠利率；第二係股市回穩，讓信心恢復，市民會出番嚟買樓。但如果對沖基金令到恆指跌到八、九千點，又話見5000點，大
家都不敢想像。如果股市企穩萬四、萬五點，加上拆息回穩，3至4厘供樓息率對用家唔算高，相信地產調整一段時間便會有支持。
我相信外資行就唔會咁放肆做淡個市，佢哋會擔心，我哋有中央支持，佢哋見到中央出手，總理溫家寶話過好關心香港金融市場，如果拆息軟番，商家嘅經營成本減輕，希望慢慢度過呢個不穩嘅市場。
東：你上次接受本刊訪問時說過，32000點所有人都識炒，跌至萬餘點才見真章，這是否意味你在投資方面跑贏大市？
劉：市旺散戶都賺錢，叻嘅賺三十個巴仙、四十巴仙，唔叻嘅都賺十個巴仙、二十個巴仙。市差時，大家輸少當贏，如果好彩贏少少就已經大贏。股神巴菲特講得啱：「潮水退時先知邊個有著泳褲」，今次係看到唔同嘅人同公司嘅風險管理。
我自己以前都撞過好多次板，經歷過87同97年金融風暴，所以今次小心咗，我只可以講今次係不幸中之大幸，我唔敢講自己有冇著褲，因為咁擺咗自己上枱，亦會得罪一啲人。我相信世上天外有天，人外有人，我唔係同人比較。
東：你認為未來3至6個月內，恆指再試10600點低位的機會有幾大？
劉：早排有外資行同我講，今年唔會跌穿11000點，但明年就有機見低於呢個位。但我個人睇今次中央40000億刺激經濟，只要港府處理好沽空問題，大市未必太差。
狠批政客為選票害港
議員為咗攞credit，唔應該搞啲咁嘢，會嚇窒外來投資者，咁嘅政治環境一定唔好。
大劉開腔論政治，認為立法會議員為了攞分，運用特權調查銀行，將令香港變得政治化，手法好得人驚，會嚇窒外來投資者，對香港肯定不利。他又表示對特首曾蔭
權的表現滿意，政府對金融海嘯的應變已很快。對於一些政客針對中央，他認為中央對香港所做一切都是照顧港人利益，好多政客掩住良心逢中必反。
搞雷曼事件手法得人驚
東：你覺得立法會引用特權法給予小組委員會調查權，就雷曼迷你債券事件向銀行進行調查，對香港有如何影響？
劉：首先我唔贊成立法會運用特權調查銀行，咁樣會搞到香港變得政治化，到頭來會影響外來投資。議員為咗攞credit，唔應該搞啲咁嘢，會嚇窒外來投資
者，咁嘅政治環境一定唔好。我又唔係銀行界嘅人，講嘢最中立，咁搞落去對香港肯定唔好。依家又有政黨叫人用電郵轟炸立法會議員，又有政黨叫人圍民建聯，呢
啲手法都好得人驚。
滿意曾蔭權表現
東：你認為特區政府的管治是否稱職？
劉：回歸11年，今屆政府肯定比上屆好，因為吸收了經驗。現任特首曾蔭權係政務官出身，我冷眼旁觀，覺得好滿意，最主要係營商環境同自由度都好咗好多。我
認為依家政府好過以前港英政府，我哋喺香港出入自由，完全無壓力。最近的金融海嘯，係外國影響咗香港，全世界都係咁，特區政府已經盡快應變。
東：香港回歸前後，你看香港的政治及經濟有何改變？
劉：經濟好咗！例如沙士時，我同朋友去睇戲，全間戲院得5個人。回歸以來，中央對港政策都係維護港人嘅利益。
共產黨幫香港賺錢
東：香港仍有人針對中國共產黨，揭發議員嘅背景，你有何看法？
劉：有啲人夾硬搵嘢嚟講，中國共產黨現在都係經濟掛帥。28年前，我係第一批返中國開廠嘅人，因為香港唔夠工人，所以焗住北上開廠，當時我都好驚中國，開
廠頭7、8年我都無踏足內地，係我自己唔了解中國。我發覺以前好興中央補貼，例如一樣嘢成本12元，但我只需8、9元買，中央補貼差價，所以做廠有錢賺，
我覺得中央咁開放做呢啲嘢，令我對97回歸有百分百信心。所以我唔單止冇撤資，仲將賺嘅錢投資香港。
政客掩良心
東：你是否發覺很多香港政客針對內地？你認為這是好事還是壞事？
劉：唔知佢真係無知，定係想爭取選票。但以我嘅智慧同常識睇，中央對香港所做的一切都是照顧港人利益，唔單止係講做生意賺錢，包括輸港的食物、食水等等。但好多政客掩住良心講話，逢中必反，你爭取部分唔了解中國嘅選民嘅選票，佢哋咁樣做百分百對香港唔好。
香港自由度高到極
有議員為咗爭取選票，佢哋唔理做啲嘢對香港有冇利，樣樣都針對。我記得三十多年前跟個貿易團去中東，唔覺意帶幾本雜誌，內容好普通，只係著住泳衣，但仲慘
過被摷到毒品，嗰陣時我第一個感受係「點解咁嘅？」每個國家都有自己的法律，國有國法，家有家規，回教國家見到三點式有好大反應，香港政客亦應該尊重內
地，人哋有自己的法律和規則。
回歸前後比較，我覺得現時做生意自由度多好多。未回歸邊度講咁多人權、民主，但依家有議員為咗爭選票，就猛講呢啲嘢，完全唔考慮中國畀香港嘅自由度已經高到不可以再高啦。
沒有留言:
張貼留言